عشق دا سچا پاندھی ۔۔۔۔۔۔۔۔ (ب)

پہلے تاں شاہی بیگمات حلاج دے اثر اچ ہَن تے ہُن تاں بادشاہ اوندا مرید تھیا بیٹھا ہا۔حامد بن عباس کوں اپنی ساری کھیڈ پُٹھی تھیندی نظر آءی تاں اون خوشامد کر تے آکھیا امیرالمومنین ایں بندے کوں قتل کر ڈیون ہی چنگا ہے نہ تاں لوک ایندے راہیں کہیں فتنے دا شکار تھی ویسن۔حامد بن عباس دیر تک گالھ کوں وتا پھیر تے خلیفے کوں قاءل کرن دی کوشش کیتی رکھی پر عباسی خلیفے حلاج دے قتل وچ چُپ تے دیر توں کم گھدا۔عریب بن سعد قرطبی دی روایت کنوں اندازہ تھیندے جو طوطے کوں جیندا کرن دا واقوہ ایں تھیا جڈاں جو منصور ھلاج دا مقدمہ سݨویندا پیا ہاتے قاضی ابو عمر ہالیانہیں دے قتل دا فتویٰ نہ ڈتا ہا۔توڑے جو شرعی عدالت دی پاروں منصور حلاج دی قسمت دا فیصلہ تھی چکا ہا پر ہالی تک اے فتویٰ خلیفہ مقتدر بااللہ دے سامݨے پیش نہ کیتا گیا ہا۔حامد بن عباس کوں پتہ لگ گیا ہا جو خلیفہ وی منصور دے اثر وچ آ چکے ہِن ایں سانگوں او کہیں چنگے موقعے دی تلاش وچ ہا۔انہاں ڈیہواراں جیل وچ ہک وکھرا واقعہ تھیاجیں حامد بن عباس دے ہوش اُڈا ڈتے۔۔۔۔۔۔۔۔۔۔۔۔۔۔۔۔جاری ہے